كم معهد فنى صحى فى مصر وماهي التخصصات المقبولة؟

ماهي التخصصات التي يقبل منها المعهد الفنى الصحى ؟

-ثانوية عامه علمى علوم
-ثانوية عامه علمى رياضيات
-دبلوم صناعى “تخصصات كهربائية – زى الكهرباء الباور والالكترونيات والاتصالات واى قسم كهربائى”
-دبلوم تجارى ” كل الاقسام والتخصصات”

ماهو عدد المعاهد كم معهد فنى صحى فى مصر ؟

المعهد الفني الصحي بطنطا
المعهد الصحي بالمنصورة
المعهد الفني الصحي بإمبابة
المعهد الفني الصحي بالإسكندرية
المعهد الفني الصحي بالزقازيق
المعهد الفني الصحي ببنها
المعهد الفني الصحي ببنى سويف
المعهد الفني الصحي ببورسعيد
المعهد الفني الصحي بأسيوط
المعهد الفني الصحي بسوهاج
المعهد الفني الصحي بأسون
المعهد الفني الصحي بالإسماعيلية

ماهي اقسام المعهد الفنى الصحى ؟

حوالى عشر اقسام ومنهم :-
صيانه / يعنى هو الشخص المسئول عن اعمل الصيانة
اشعه / يعنى هو ده الشخص الى بيتعامل مع جهاز الأشعة وبيعمل فيلم الاشعة نفسه

معمل
اسنان
تسجيل طبى واحصاء
تخدير ورعايه مركزة
عظام
صناعات دوائيه
طوارئ
معاون صحى
تثقيف صحى
بصريات

4-) نظام الدراسة باللغة العربية ام باللغة الأنجليزية ؟
-اغلب الدراسة باللغة الأنجليزية ودراستة تقيلة شوية

5-) ما هى شروط الألتحاق بالمعهد ؟
انك تجيب مجموعوا وفقأ للتنسيق –
السن الا يزيد السن عن 22 سنه والا يقل عن 16 سنه –
لازم تعدى فى الاختبار الطبى ويبقى بسيط –
انك تكون متفرغ للدراسة بالمعهد لان الدراسة بالمعهد مش هكون سهله بحيث انك تاخد جمبها حاجة تانية.

6-) طيب بالنسبة لفرص العمل ؟
بيجيلك امر تكليف توظيف بتتوظف بعد ما تخلص سنتين المعهد بحوالى من 6 الى 9 شهور

7-) ايه هى طبيعة المعهد ؟
المعهد عبارة عن أربع سنوات منفصلين في أول سنتين وبعدها 6 شهور تدريب ويمكن الاكتفاء بأول سنتين واستلام التكليف مباشرة وللحصول على درجة البكالوريوس يتم الآتي في أول سنتين لازم تأخد 3 سنين شغل ثم سنتين التخصص لتحصل على بكالوريوس تقني في العلوم الصحية وأقسام المعهد العلمى علوم هي: أشعة معامل تخدير أسنان عظام تغذية علاجية صناعات دوائية تسجيل طبي تمريض بصريات، وأقسام علمي رياضة هي: شعبة صيانة أجهزة طبية وصناعات دوائية وبصريات، وهناك أقسام في تنسيق المعاهد الفنية الصحية لا تقبل إلا طلبة الثانوية العامة علمي علوم فقط وهي : فني أشعة ، فني صناعة أسنان ، فني معمل ، فنيات التمريض (بنات فقط) فني الخدمات الطبية العاجلة (بنين فقط) ، المراقبون الصحيون (بنين فقط ) .

8 -) طيب بالنسبة للشغل الخاص ايه نظامة ؟
والشغل البرايفت مفيش اكتر منه وبتختلف من قسم للتانى

9-) طيب المعهد جغرافى ولا اقليمى ؟
هو كان اقليمى بس بقى جغرافى من العام الدراسى المقبل اى شهر 9 سنه 2019

10-) طيب هل يمكن اكمل فى المعهد واخد درجة البكالوريوس ؟

ايوا ممكن تكمل سنتين فى المعهد وتاخد درجة البكالوريوس فى تخصصك بس بعد حوالى تلت سنين من استلام الوظيفة
يعنى سنتين معهد + 3 سنين فى الوظيفة + سنتين فى المعهد تانى حتى حصولك على درجة البكالوريوس فى التخصص

11-) طيب هل هستلم وظيفة بعد مخلص السنتين الاوائل ؟

ايوا هتستلم وظيفة وهتكون بمرتب حوالى 2500 جنيه وده كبداية حلو جدأ خصوصأ انها هتكون حكومى.

12-) طيب هل من الممكن انى اكمل فى كلية الهندسة من المعهد ؟

ايوا طبعأ ممكن انك تكمل هندسة من المعهد بس لازم يكون قسم صيانة اجهزة طبية بس تكملتك فى الكلية من الممكن انها تلغى التكليف بتاعك.

13-) طيب هل المعهد كويس ولا ايه نظامة ؟

والله انتا تسئل طلاب المعهد عن تفاصيلة وطبيعتة ونظام الدراسة وهل هو هيناسبك ولا لا من حيث موادة وكمان طريقة الدراسة وكمان مواعيدة الخ.

14-) طيب هو بيقبل من كام ؟

على حسب التنسيق انتا كل الى عليك لو هو متاحلك تسجلة فى الرغبات وتسبها على الله ايأ كان مجموعك لو انتا عندك رغبة انك تكمل فيه سجلة فى الرغبات.

15-) طيب ايه هى الاوراق المطلوبة للتقديم بالمعهد الفنى الصحى ؟

-أصل شهادة الميلاد كومبيوتر “موضح بها الرقم الثلاثى للذكور” الى جانب خمس صور منها

-البطاقة الشخصية 5 صور منها

-عدد 12 صورة شخصية

-اصل شهادة المؤهل + 2 صور منها

-نموذج 2 جند بالنسبة للذكور كامل البيانات + بطاقة 6 جند او 7 جند بدلأ منها على ان تكون معتمدة ومختومة

-بطاقة الترشيح مختومة من مكتب التنسيق + اربع صور منها

-ملف ورقى

-حافظة بلاستيك

-طلب الالتحاق بالمعهد

-استمارة تعريف بالطالب

-استمارة رغبات لتحديد الشعبة

16-) طيب التقديم هيكون امتى ؟
هيكون على اول شهر تسعه ان شاء الله

17-) طيب تنسيق الاقسام فى المعهد بتبقى بناء على ايه ؟

بتبقى بناء على مجموعك الكلى فى مرحلة التعليم المتوسط “ثانوية عامه او دبلومات فنية”

18-) طيب هو اخد من كام السنين الى فاتت ؟

وبالنسبة لطلاب الدبلومات – فتنسيق العام “الماضى”
هو كالتالى :-

معهد فني صحى طنطا95.43
معهد فني صحى المنصوره94.71
معهد فني صحى الزقازيق94.57
معهد فني صحى الاسكندريه94.43
معهد فني صحى بنها92.29
معهد فني صحى اسيوط91.43
معهد فني صحى سوهاج91.43
معهد فني صحى اسوان90.43
معهد فني صحى امبابة89.30
معهد فني صحى بور سعيد89.29
معهد فنى صحى ج جنوب الوادى84.33

وطبعا بيختلف من مكان للمكان اخر

معهد فني صحي تعرف على أقسام وشروط التقديم بالمعهد الفني الصحي 2020